Големо засилување за прволигашот: Струга се договори со поранешен напаѓач на Шалке (ВИДЕО)

Македонскиот фудбалски прволигаш Струга Трим Лум обезбеди големо засилување за натпреварувачката 2022/2023, ас кој е поранешен македонски репрезентативец, но и човек кој во кариерата го има носено дресот на Шалке 04.

Имено нов член на Струга е Бесарт Ибраими за кого ова е враќање на домашната сцена со оглед на тоа што во изминатиов период играше во Грција во Ксанти.

Бесарт многу добро ја познава ПМФЛ каде е и најдобар стрелец во историјата. Во својата кариера освен во Македонија, Грција и Германија има настапувано уште во Украина и Кипар.

Претходно Струга ја продолжи соработката со тренерот Срѓан Захариевски, нови договори добија Ард Касами и Абдилхади Јахја.