Големо изненадување во Белград: Студентски Центар му зема мерка на Партизан (ВИДЕО)

Кошаркарите на Студентски Центар направи големо изненадување и славеа над Партизан со 84-83 во првата средба од четвртфиналната серија во АБА лигата.

Домашниот тим беше апсолутен фаворит на овој меч, меѓутоа одигра под очекувањата и тоа го искористи црногорскиот тим кој за три дена ќе има можност со триумф на домашен терен да ја потврди сензацијата, поточно со уште еден триумф да обезбеди полуфинале.

Средбата во Белград беше неизвесна до самиот крај, а како пресудни се покажаа поените на Ивишиќ (2+1) на 56 секуди до крајот. Потоа двете екипи имаа обиди, шутеви, ама не дојде до промена на резултатот.

Ивишиќ со 22 поени беше најдобар кај победникот, најефикасен кај „црно-белите“ беше Ледеј со 20 кошеви.