Големо изненадување: Ражнатовиќ ја откри следната дестинација на „џинот“ Марјановиќ (Фото)

Бобан Марјановиќ изминатово лето ја заврши својата НБА авантура која траеше од 2015-та година, но после една полусезона во Фенербахче, стана јасно дека српскиот „џин“ нема што да бара во Истанбул.

Двете страни спогодбено го прекинаа договорот и Марјановиќ стана слободен агент на крајот на 2024-та година, а сега новата ја започнува со едно долго патување.

Неговиот агент Мишко Ражнатовиќ ја откри новата кошаркарска дестинација која ќе ја има искусниот Бобан, бидејќи како што стојат работите, речиси се е договорено за негов трансфер во Кина.

Познатиот суперагент во кошарката не откри за кој клуб станува збор, но најави дека следна етапа во животот на Боби е Кина и кошаркарската Прва лига во споменатата земја.

– Важно е новата година да се отвори со стил! Бобан Марјановиќ на пат кон КИНА и кинеската кошаркарска асоцијација, – порача Ражнатовиќ.

It’s important for the New Year to start with style😀!
Boban Marjanovic is on his way to China and CBA!#BeoBasket pic.twitter.com/42r7Ddaaob

— Misko4Raznatovic (@MiskoRaznatovic) January 1, 2025