Големи возбудувања на Сузука: Ферстапен на чудесен начин му ја „украде“ пол-позицијата на Норис (Видео)

Макс Ферстапен веќе подолго време го нема најдобриот болид во Формула 1, но четирикратниот светски шампион и натаму е возачот кој прикажува убедливо најдобри перформанси.

Потврда за тоа се и денешните квалификации за Големата награда на Јапонија, кои на крајот кулминираа со неверојатна драма во завршните моменти.

Ферстапен успеа да му ја „украде“ пол позицијата на Ландо Норис и беше побрз за само 0,012 секунди во својот последен чудесен обид, а уште подобра вест беше тоа што неговото време не успеа да го поправи Оскар Пјастри.

Макс со неверојатен круг успеа да ја анулира доминацијата на Мекларен и се избори за прво место пред утрешната големата трка на Сузука, патека на која очигледно ќе гледаме големи возбудувања.

По импресивното издание, Макс на големо го славеше триумфот преку тимското радио, а по квалификациите посака трка без дожд поради добрите перформанси кои ги прикажа и на суво.

Зад водечката тројка, утре во вториот ред ќе стартува и Шарл Леклер од Ферари како четвртопласиран, додека меѓу првите 10 се најдоа уште Расел, Антонели, Хаџар, Хамилтон, Албон и Берман.

WHAT A SESSION!

Max Verstappen. Take. A. Bow.#F1 #JapaneseGP pic.twitter.com/w72EgQ5ICD

— Formula 1 (@F1) April 5, 2025

Listen to that roar!

Max Verstappen is on POLE#F1 #JapaneseGP pic.twitter.com/s8LtjOWFms

— Formula 1 (@F1) April 5, 2025