Големата ѕвезда на Сити со интересна изјава: Не одам во теретана, тоа е за оние кои не знаат со топка

Бернардо Силва со години наназад се поврзуваше со заминување од Манчестер Сити, па и покрај сериозниот интерес од Барселона, Португалецот одолеа на сите понуди и засега и натаму останува член на тимот на Пеп Гвардиола.

Силва важи за еден од најдобрите офанзивни играчи за врска во светот и на 30 години се уште е клучен фактор во тимот на Гвардиола, а со своите изданија низ годините само ги замолкна сите скептични коментари кои надвиснуваа над неговото име пред да пристигне во Премиер лигата.

Поради својата конституција и нискиот раст, многумина сметаат дека Бернардо нема да може да одговори на физичката игра во Англија, но Силва сето тоа го надополни со паметна и интелигентна игра која го издвои како еден од најдобрите во светот на својата позиција.

Бернардо без никаков сомнеж е најдобриот техничар во составот на англискиот првак, а како таков, сега откри и дека не минува многу време во теретана, нешто што го прават голем број неговите соиграчи.

– Не одам во теретана, тоа е за оние кои не знаат да играат со топка, – порача Силва во заедничкото интервју за „Скај Спортс“ кое го имаше со Рубен Диаш.

Savage from Bernardo Silva 😂 pic.twitter.com/51CBLmOTfr

— Sky Sports Premier League (@SkySportsPL) August 31, 2024