Голема победа: Бенфика и Талески први му земаа мерка на Спортинг во Португалија

Бенфика на македонскиот репрезентативец Филип Талески направи изненадување и го совлада Спортинг со 38:34 во португалскиот шампионат.

Иако ова на хартија треба да биде дерби јасно е дека Спортинг е на повисоко ниво, „лета“ во првенството, квалитетен и е во Лигата на шампионите, но секој натпревар е посебна приказна и овојпат Талески и компанија со фуриозно второ полувреме го срушија противникот, поточно во 15 сезонски натпревар му го нанесоа првиот пораз.

Гостите водеа со 16:14 по првото полувреме, ама по паузата домашните ракометари се покажаа во далеку подобро издание и со 24:18 дојдоа до голем триумф.

Талески беше автор на три погодоци, Санчез и Боргеш беа први стрелци со по шест реализации.