Голема НБА ѕвезда завршила во притвор поради поседување на оружје и дрога во својот автомобил

Ражон Рондо своите најдобри играчки денови ги имаше во Бостон каде стигна до првиот шампионски прстен, а последните ѕвездени изданија ги имаше за Лос Анџелес Лејкерс пред четири години.

Иако играше на врвно ниво до пред извесно време и ја освои титулата со ЛеБрон Џејмс, Рондо веќе две години е надвор од паркетите и покрај тоа што нема официјално отидено во пензија, но последните случувања јасно алудираат на тоа дека не е блиску до такво нешто.

Рондо минатата година беше обвинет за физички напад од женско лице и мораше да плаќа отштета, а сега повторно ќе биде изесен пред суд поради незаконско поседување на оружје и дрога.

При еден рутински преглед од страна на полицаец кој го застанал неговито автомобил, било откриено дека Рондо поседува марихуана и огнено оружје, по што експресно бил пренесен во станица, а потоа префрлен и во притвор.

Американските медиуми откриваат дека Рондо експресно платил кауција и си ја купил слободата, но допрва ќе треба да дава објаснувања пред судот за нелегалните работи кои биле најдени во неговиот автомобил, вклучувајќи и прибор за полесна употреба на дрога.

Говорејќи за неговата кариера, Рондо е двократен НБА шампион, а четири пати беше дел од Ол-стар натпреварите.