Голема измама на УС Опен

Францускиот тенисер Жил Мари беше жртва на голема измама на УС Опен во Њујорк.

Моментално на 295. место во светот добил два мејлови во кои пишуваше дека сепак ќе игра во квалификациите, но тоа не беше точно. Пораките доаѓале од анонимно лице кое се претставило како менаџер на турнирот.

Мари беше неколку дена во Њујорк, со надеж дека со повлекување на двајца играчи ќе добие шанса да стапне на теренот на „Флешинг Медоус“.

Во вторникот на 20 август во раните попладневни часови добил мејл дека се исполнети условите, и дека двајцата се повлекле од турнирот.

Вториот мејл ја донесе информацијата дека треба да оди на тренинг, пред натпреварот против неговиот сонародник Квентан Алис, закажан за 16:00 часот на теренот број четири.

Мари отиде во комплексот УС Опен, каде го запознал вистинскиот менаџер, кој му порачал: „Жил, извини, не знам кој ти пратил мејлови…“.

Да биде работата побизарна, овој 32-годишен тенисер имаше идентична ситуација на Вимблдон, за што во меѓувреме контактирал со полицијата.

Најдобриот пласман Мари го имаше во март годинава, кога беше 203. на АТП листата, со тоа што никогаш не играл на турнир од АТП серија.