Голема е веројатноста Влаховиќ да направи трансфер во јануари: Добивме важни понуди, отворени сме за продажба

Српскиот напаѓач, Душан Влаховиќ би можел да реализира одличен трансфер и уште во јануарскиот преоден рок да ја промени средината.

Офанзивецот на Фиорентина со своите настапи го привлече вниманието на големите европски тимови кои нема да штедат пари за да го доведат во своите редови.

Спортскиот директор на Фиорентина, Даниеле Праде потврди дека добиле примамливи понуди за напаѓачот овој јануари, но дека засега нема одговор од агентите на Влаховиќ.

– Да, примивме неколку важни понуди за Влаховиќ во јануари, отворнеи сме за продажба. Но засега немаме добиено одговор од неговите агенти, -изјави Праде кој потоа коментираше дали играчот би можел да се пресели во Јувентус, како што се шпекулира на Апенините.

-Нашите врати се отворени за сите. Чекаме Душан да одличи, ни треба негов одговор, -заврши Праде.