Светски првенства
Голема драма и игра на нерви: Кузмановски погоди со звукот на сирената, Македонија освои бод против Австрија!

Македонија и Австрија имаа беспоштедна битка на стартот на втората фаза на Светското првенство, каде во еден израмнет и неизвесен финиш, на крајот двете селекции си поделија по еден бод.
Натпреварот почна со наметнато темпо од страна нашите ракометари и избраниците на Кирил Лазаров брзо стигнаа до посакувани плус три, но при резултат 7:4 следуваше првиот пад во офанзивниот дел.
Австрија со три погодоци во низа се врати во егал ситуација и најави дека не планира лесно да се откаже во раната фаза, а тоа продолжи така и откако Македонија имаше нова серија од три гола.
Резултатот 10:7 во наша корист навестуваше дека на пауза ќе заминеме со предност, но во самата завршница на првиот дел подобро се снајдоа Австријците кои на пауза заминаа со еден гол предност (14:13).
Тоа беше јасен сигнал дека избраниците на Лазаров мора да бидат далеку повнимателни во одлучувачките моменти, но резултатската неизесност продолжи и во целиот тек на второто полувреме, во кое во голема фаза се играше гол за гол со често менување на водството.
Со резултат 25:25 се влезе во 54-та минута и беше јасно дека ќе има неизвесност до самиот крај, потоа следеа по два гола на двете страни, но за жал Кајпер му одбрани пенал на Кузмановски и рамнотежата се префрли на спротивната страна. Австрија доби шанса да напаѓа за плус еден при резултат 27:27 и Дамбек погоди од пенал, но брзо следеше одговор од наша страна и Митев со продор во свој стил израмни на 28:28 во последната минута која веќе беше во тек.
Тоа значеше дека следат луди и френетични 30 секунди, во кои Пајовиќ повторно ризикуваше со игра 7 на 6 за предност на Австрија со голот на Хутечек, но сепак Македонците го имаа последниот збор.
Избраниите на Кирил Лазаров добија само четири секунди за напад, но Кузмановски во стил на голем капитен погоди од дистанца и донесе израмнување (29:29) и прв бод за Македонија во втората фаза.
-
НБА7 часа
Лејкерс загуби во разочарувачката шутерска ноќ на Дончиќ, Мареј „експлодираше“ со личен рекорд (Видео)
-
Лига на шампиони24 часа
Фан од трибините ја сними еуфоричната реакција на Мбапе по голот за победа на Белингам (Видео)
-
Англија23 часа
Далот: Јунајтед може да ја освои Премиер лигата под водство на Аморим
-
Англија9 часа
Последното дерби на „Гудисон“ заврши со хаос на теренот, црвен картон заработи и Арне Слот (Видео)
-
Англија8 часа
Венгер посебно изненаден од еден неочекуван јануарски трансфер во Премиер лигата
-
Англија22 часа
Карагер за провокативниот банер на „Итихад“: Реал се посрамоти, но Сити требаше да покаже класа
-
Англија7 часа
Ван Дајк откри што му порачал на Оливер по последниот судиски свиреж
-
Лига на шампиони8 часа
Бесниот Консеисао одговори на само едно прашање и го напушти пресот (Видео)