Голем трејд во НБА лигата: Минесота се откажа од Таунс и го шокираше со потегот (Фото)

Американските медиуми рано утрово известија за шокантен трејд во НБА лигата, откако Минесота Тимбервулвс реши да се откаже од еден од своите најдобри играчи во тимот.

Карл Ентони Таунс ќе ја промени средината и се сели во Њујорк Никс, франшиза која реши да му обезбеди место на досегашниот член на „волците“ од Минеаполис.

За потписот на Таунс, Њујорк во спротивен правец ги испраќа Џулиус Рендал и Донте Дивиченцо, но Минесота ќе го добие и првиот пик на драфтот кој инаку му припаѓа на Детроит.

Оваа неочекувана размена предизвика многу реакции во кошаркарска Америка, а прилично шокиран од потегот на Минесота е и самиот Таунс.

Досегашната ѕвезда на „волците“ јасно долови дека е незадоволен од третманот кој го доби, па преку социјалните мрежи испрати само три точки во знак на неверување.

…

— Karl-Anthony Towns (@KarlTowns) September 28, 2024