Голем проблем за Сити: Родри заработил тешка повреда, оваа сезона е готова за него!

Манчестер Сити и во актуелнава сезона има високи цели и амбиции, ама до истите ќе мора да стигне без можеби најдобриот, најконстантниот играч Родриго Ернандез Касканте или попознат како Родри.

Шпанецот мораше предвреме да го заврши вчерашното дерби со Арсенал, па иако беше позитивно што сам и без помош го напушти теренот, деталните медицински прегледи покажаа дека се работи за потешка повреда која долго време ќе го оддалечи од терените.

Иако ќе се направат дополнителни тестови, информациите од повеќе извори говорат дека Родри ги скинал предните вкрстените лигаменти на десното колено, повреда која значи крај на актуелнава кампања за него и враќање дури во 2025 година.

Ова дефинитивно е сериозен удар за „граѓаните“, но и за шпанската селекција затоа што фудбалерот за врска е навистина незаменлив и сосема заслужено е номиниран за освојување на „Златната топка“.

Родри играше континуирано, скоро и да не пропушташе натпревари во изминативе неколку сезони што значи дека пред се Гвардиола ќе мора да бара друго решение, решение које ќе носи резултати.