Гол за најавните шпици: Тривела мајсторија на Митровиќ за ерупција во Белград (Видео)

Александар Митровиќ игра во животна форма веќе две сезони и постојано ги тресе противничките мрежи, а тоа продолжува и откако направи трансфер во Саудиска Арабија.

Многумина сметаа дека квалитетот на Митро ќе падне по заминувањето во оваа земја, но Србинот засега ги демантира сите зли јазици и вечерва воодушеви со уште едно ремек-дело.

Србија игра своевидно финале против Црна Гора за пласман на Европското првенство, а работите за домаќините ги поедностави Митровиќ уште во 9-та минута.

Напаѓачот на Ал Хилал ја прими топката надвор од шеснаесетникот, умешно се ослободи од првиот чувар, по што режираше тривела мајсторија за најавните шпици.

Бравурата на Митровиќ предизвика ерупција на стадионот „Рајко Митиќ“, каде владее навистина страшна атмосфера по повод балканското дерби кое е на програмата.