ГОК Борец и Струмица Никоб ќе се борат за трофејот во Купот на Македонија

Екипите на Струмица Никоб и ГОК Борец ќе играат во финалето на одбојкарскиот Куп на Македонија кој се одржува во салата „25-ти Мај“ во Радовиш.

Бранителот на титулата, составот на Струмица Никоб немаше никакви проблеми и го оправда фаворитскиот статус против Универзитет во Тетово со 3:0 (25:19, 25:11, 25:23), додека пак повозбудливо беше во битката меѓу ГОК Борец и Шкендија каде велешани беа подобри со 3:1 во сетови (14:25, 25:19, 25:17, 25:19).

Финалето е закажано за в сабота од 13 часот.

Кога се во прашање дамите, денеска се играа полуфиналните дуели и тоа Јанта волеј-Работнички Скопје од 17 и 30 и Наковски волеј-Вардар жени од 20 часот.