ГОГ го надигра Алборг и за првпат ќе игра во четвртфиналето на ЛШ

Ракометарите на ГОГ Гудме се последниот патник во четвртфиналето на Лигата на шампионите и тоа откако вечерва успеаа да ја добијат битката со Алборг.

Првата средба му припадна на Алборг со 30-28, но вечерва расположение домаќините уште во првото полувреме го избришаа минусот (15-11). По паузата гостинскиот тим се обидуваше да се врати, меѓутоа ГОГ секогаш имаше одговор и сосема заслужено дојде до конечен триумф од 32-24.

Ова е најголемиот резултат во историјата на овој клуб, а во четвртфиналето ќе ги одмери силите со Барселона.

Веспрем ја доби и втората пресметка со лутиот ривал Пик Сегед (38-33) и со вкупни 74-56 оди во наредната фаза каде ќе ги одмери силите со Кјелце.

Другите две двојки се Магдебург-Висла Плоцк и ПСЖ-Кил.