Годините се само бројка: Роналдо со акробатски скок и „ножички“ ги потопи Полјаците (Видео)

Португалија и Полска одиграа прилично досадно прво полувреме на „Драгао“, но затоа домаќините ги оправдаа очекувањата во вторите 45 минути во кои успеаја да постигнат пет гола.

Полјаците претрпеа нов пораз во Лигата на нации и уште еднаш покажаа катастрофален пад во текот на едни 90 минути, а од тоа профитираа Роналдо и неговите соиграчи во португалски дресови.

Капитенот постигна два гола во убедливата „петарда“ во Порто, но оној вториот за 5:0 беше извонреден и потсети на неговите најдобри денови.

Роналдо режираше акробатски скок и со „ножички“ ја погоди мрежата на Полјаците, со што само уште еднаш покажа дека годините се само бројка за него.

Кристијано за три месеци ќе наполни 40 години, но тоа очигледно не значи ништо за легендарниот португалски голгетер, кој вечерва стигна до 910 погодоци во својата кариера.

Претходно, Роналдо погоди од пенал, во листата на стрелците се запишаа и Леао, Фернандеш и Нето, а почесниот гол за Полска беше дело на Марчук.

Акробацијата на Роналдо погледнете ја ТУКА