Гобер: Грин се однесува како кловн, секогаш кога Кари не игра…(ВИДЕО)

Пресметката меѓу Голден Стејт Вориорс и Минесота Тимбервулвс беше одбележана од инцидентот што се случи на самиот старт, инцидент по кој тројца играчи беа исклучени од арбитрите.

Клеј Томпсон и Џејден Мекдениелс влегоа во дуел по што настана мешаница во која Дрејмонд Грин имаше боречки зафат врз Руди Гобер кој се обидуваше да ја смири ситуација, да ги одделе завојуваните страни.

Поради овој потег Грин беше испратен на туширање, а „црвени картони“ добија Томпсон и Мекдениелс. Дрејмонд поради потегот може да заработи и дополнителна суспензија, но во меѓувреме Гобер жестоко ја критиукува ѕвездата на „воините“.

-Ова е однесување на кловн. Секогаш кога Стеф не игра, тој не сака да игра без него, па прави се за да биде исклучен, -истакна центарот на „волците“.

This happened in less than two minutes of playpic.twitter.com/ykpdCzLUp9

— Eurohoops (@Eurohoopsnet) November 15, 2023