Гобер доби три банани од сонародникот Вембанјама: Ова момче ќе биде голем проблем (Видео)

Сан Антонио не успеа да го изненади тимот на Минесота во НБА дуелот одигран утринава, но Виктор Вембанјама имаше одличен настап во кој меѓу другото забележа 29 поени и имаше 4 блокади.

Три од четирите блокади беа на сметка на неговиот сонародник Руди Гобер, кој првпат се соочи со дебитантот и по мечот имал само пофални зборови. Гобер само осми пат во НБА кариерата заработил три блокади на еден натпревар од ист играч, а сега виновник за тоа беше токму младиот Вемба.

– Мислам дека неговото позиционирање е далеку понапредно од тоа што би требало да биде за еден дебитант.

– Слободно можете да кажете дека добро тренира, дека ја анализира играта и дека ќе биде подобар од година во година.

– Ова момче ќе биде голем проблем за сите. Тој е веќе проблем, но ќе биде уште поголем проблем наредниот период, – изјавил Гобер.