Го промени своето мислење: Шервуд има нов фаворит за титулата во Премиер лигата

Многу сме блиску до комплетирање на првиот дел од сезоната во Премиер лигата што значи дека доволно е одиграно за да се донесат заклучоци на одредени теми, но и да се дадат некои подобри прогнози во однос на пласманот на екипите.

Англичаните се познати по тоа што постојано сакаат да дебатираат, критикуваат, типуваат кој каде може да заврши, па така некогашниот менаџер на Тотенхем и Астон Вила го промени своето мислење, фаворитот околу трката за пехарот.

Тој го имаше Арсенал за свој тип за шампион, меѓутоа по блескавото издание на Ливерпул против „петлите“ ги стави „црвените“ во прв план.

-Се изгледа совршено за Ливерпул во овој момент. Типував на Арсенал да ја освои Премиер лигата, но ги гледав [Ливерпул] и морам да се предомислам. Дозволено ми е да се предомислам, нели? Гледајќи како го растурија Тотенхем, тие изгледаат сензационално во моментов, -истакна поранешниот англиски репрезентативец.