Поврзете се со нас

Олимписки игри

Го продала сребрениот медал од Токио, но светот е одушевен од нејзиниот потег!

Објавено

на

Ретко убава, но вистинита хумана приказна доаѓа од Полска каде, Марија Андрејчук, освојувачка на сребрен медал од последните Олимписки игри во Токио, направила прекрасен потег со кој уште еднаш ги освои симпатиите во јавноста.

Андрејчук во Токио го освои среброто во дисциплината, фрлање копје, а по враќањето во родната Полска се решила да го стави медалот на аукција со цел да собере пари кои ќе ги донира за лечење на осуммесечно бебе.

Олимписката вицешампионка на овој начин помогнала во лекувањето на срцевите проблеми на детето, кое веднаш морало да замине на операција во САД за да биде спасен неговиот живот.

За тој зафат биле потребни околу 300.000 евра, а 25 годишната олимпијка се надевала дека ќе собере барем половина од сумата која е потребна за лечењето. Самата Андрејчук потврди дека полската компанија „Забка“ за сума од 150.000 евра ќе го откупи медалот и така ќе помогне за лечење на малото бебе.

Инаку и самата Андрејчук минувала низ тежок период затоа што во 2018 година и бил дијагностициран рак на коските кој успешно го победила, по што напредувала во професионалниот спорт.

Реклама
Реклама
Реклама

Популарни