Го одработи своето: Ставрев го судеше последниот натпревар во кариерата (ФОТО)

Најдобриот македонски фудбалски арбитар, Александар Ставрев стави крај на својата активна судиска кариера или поточно неговиот последен меч беше денешниот меѓу Работнички и Пелистер што се одигра на националната арена „Тодор Проески“ во Скопје.

Ставрев долго време ја делеше правдата на највисоко ниво, освен на домашната редовно добиваше задачи на меѓународната сцена, ја делеше правдата најклавитетните европски натпреварувања, а судеше и во квалификациите за Светските и Европските првенства.

Заедно со него во пензија замина и Дејан Костадинов, а Работнички и Судиската организација на ФФМ со пригодни подароци го одбележаа овој завршен чин на двајцата актери.