Го докрајчи Кемниц на Кочов: Шортс го одведе Бон во полуфиналето во Германија

Тимот на Телеком Бон предводен од македонскиот репрезентативец, Ти-Џеј Шортс обезбеди пласман во полуфиналето во разигрувањето за титулата во Германија.

Шортс уште еднаш беше расположен во пресметката против Кемниц, овојпат на негов терен за славје од 89-83 и конечни 3-0 во оваа четвртфинална серија. Плејмејкерот беше лидер на листата на стрелци со 21 поен, а зад своето име додаде уште 2 скока, 4 асистенции и 3 украдени топки.

На спротивната страна пак во тимот каде што работи македонскиот стратег Ѓорѓи Кочов, прв стрелец беше Видман со 19 поени, плус 11 асистенции.

Во наредната рунда Шортс и Бон ќе се соочи против Лудвигзбург кој со чисти 3-0 го реши Олденбург.