Поврзете се со нас

Македонија

Глигоров: Задоволен сум од прикажаната игра, подготовките на Вардар се одвиваат според планот

Објавено

на

Најтрофејниот македонски фудбалски колектив Вардар оствари победа над СКА Ростов-на-Дону со 2-0 во првиот меч на подготовките во Анталија и тоа со головите кои ги постигнаа Дејан Блажевски и Ерен Парталко.

Ова секако е знак дека работите се движат во позитивен правец, па тренерот Никола Глигоров е оптимист дека вака ќе продолжат оти максимално ќе бидат спремни за пролетниот дел од шампионатот.

-Поминаа 23 дена од стартот на подготовките и работите се одвиваат според зацртаниот план. Одработивме голем број на тренинзи на кои се посвети внимание на физичката подготовка, меѓутоа фокус се стави и на тактичкиот елемент за екипата да биде спремна за предизвиците кои ни претстојат оваа пролет.

-Задоволен сум од прикажаната играта на првиот контролен натпревар и остварената победа од 2:0. Иако резултатот не беше во прв план, како членови на најтрофејниот клуб сите ние сме обврзани да одиме на победа на секој натпревар без оглед дали станува збор за првенствен или за пријателски. Ни остануваат уште 3 натпревари на кои што ќе ја темпираме формата и максимално квалитетно да го одработиме остатокот од престојот во Анталија, -истакна предводникот на „црвено-црните“.
Реклама
Реклама
Реклама

Популарни