Поврзете се со нас

Билијард и Снукер

Ѓурчиновски и Димовски со лични највисоки пласмани досега на младинското ЕП во билијард

Објавено

на

Билијард федерацијата од Македонија ги прокнижи најголемите успеси во историјата на штотуку завршеното Европско првенство, каде што беше прославен и првиот медал на прилепчанецот Владимир Ѓорѓиоски, а младинците Ѓурчиновски и Димовски ги подобрија своите најдобри резултати.

За 14-годишниот Андреј Ѓурчиновски од „Гран клуб“ – Скопје ова е трет настап во младинскиот дел на Европските првенства, додека за 16-годишниот Илија Димовски од „Лонгони“ – Битола, ова беше второ учество.

Обајцата играа само во категоријата за играчи до 17 години, а настапија во сите четири дисциплини.

Андреј лани имаше делба на 9 место во дисциплините „осмица“ и „деветка“, а оваа година во истите тие две дисциплини беше на делба на петтото место. Во дисциплината „десетка“ беше на делба на 17 место, а во дисциплината „14.1“ на делба на 9 место.
Илија во својот прв настап минатата година најдобриот резултат го имаше во дисциплината „десетка“ каде што беше на делба на 17 место, а оваа година во истата стигна до делба на петто место. Исто како и Ѓурчиновски, успеа на крајот од турнирот да блесне во дисциплината „деветка“ и да стигне до 1/4 финале, односно делба од 5 до 8 место. Во останатите два настапи, дојде до делба на 33 место кај дисциплината „14.1“, а во дисциплината „осмица“ до делба на 17 место.
Догодина Илија Димовски ќе започне да се натпреварува во категоријата У19, додека на Андреј му претстојат уште две години во пониската возрасна категорија.
– Билијардот има невидена експанзија во светски рамки, а тој тренд е присутен и во Македонија. Ме радува што и ние имаме успеси со кои можеме да се пофалиме, а нашите играчи од година во година се враќаат со подобри резултати. Со овие високи пласмани се надевам дека ја оправдавме довербата која досега ја имавме од Агенцијата за млади и спорт и дека во иднина и Министерството за спорт ќе продолжи да ја цени нашата работа, а спонзорите и понатаму да препознаваат во нас добра шанса за промоција на сопствената општествена одговорност,- изјави капитенот на билијард репрезентацијата, Горан Ѓурчиновски.
На крајот од август, Билијард федерацијата за прв пат ќе го организира и Купот на Македонија во билијард.
Реклама
Реклама

Италија

Италијапред 1 час

Мота импресиониран од една ѕвезда на Јувентус: Кога доаѓа на тренинг…

Јувентус има интересен предизвик овој викенд, гостување кај Емполи, тим кој е непоразен во досегашниот дел од шампионатот, тим кој...
Италијапред 8 часа

Тардели: Пораз од Интер ќе биде фатален за Фонсека

Милан не ја започна новата сезона на посакуван начин, па тренерот Пауло Фонсека е под голем притисок уште по првите...
Италијапред 9 часа

Лаутаро за новата сезона на Интер: Поголемите амбиции се императив

Лаутаро Мартинез им се враќа на клупските обврски во Интер, а во интервју за „Газета дело Спорт“ зборувал отворено за...
Италијапред 21 час

Ова ретко се гледа: Де Лаурентис пролеа солзи при говорот за Наполи, новинарите му дадоа аплауз (Видео)

Аурелио Де Лаурентис пред два дена прослави 20-годишнина од денот кога првпат го презема Наполи, клуб кој под негово водство...
Италијапред 1 ден

Капело прозва една ѕвезда по хаотичниот период во Милан: Време е да стане маж и да стави крај на детските каприци

Милан тргна многу лошо во ерата на Пауло Фонсека и се уште нема освоено бод во Серија А, но далеку...
Реклама

Популарни