Поврзете се со нас

Европски првенства

Ѓунеш пред отварањето на ЕП: Можеме да ја победиме Италија!

Објавено

на

Утре започнува 16. Европско фудбалско првенство, а на отварањето ќе ги гледаме селекциите на Италија и Турција.

Тоа е средба која се игра „Олимпико“ во Рим и на истата статусот на фаворит ќе го имаат домаќините предводени од Роберто Манчини. Сепак тоа ќе мораат да го потврдат на теренот против ривал кој воопшто не е наивен и кој исто верува дека може со три бода да го отвори турнирот.

-Роберто Манчини добро го познава турскиот фудбал, бидејќи беше тренер на Галатасарај и има на располагање многу талентирани играчи. Ние не сме фаворити за врвот на оваа група, но јас би сакал да стигнам до финалето и да играм против оваа Италија. Нашето патување во меѓународниот фудбал навистина започна со полуфиналето на СП 2002 година и сите би сакале да победат, но сигурен сум дека ќе продолжиме да учиме од овој турнир.

-Ние ги знаеме силните страни на Италија, но исто така и нивните слабости. Ние сме добро свесни за престижот и традицијата на Италија која се квалификува на скоро сите овие натпреварувања. Како и да е, ќе биде тешка борба во техничка, тактичка и физичка смисла. Сакам да го видам квалитетот на моите играчи во шоуто.

-Исто така е добро да се имаат играчи кои се во клубовите од Серија А, бидејќи тие знаат како функционираат работите во Италија и пристапот на овие тимови. Ова е меч меѓу две силни екипи и верувам дека Турција може да победи. Не смееме да ја изгубиме концентрацијата, инаку може да има вистински проблеми. Првите и последните натпревари од групата се од фундаментално значење и тие можат да го променат балансот на целата ситуација, -истакна селекторот на Турција, Шенол Ѓунеш.

Реклама
Реклама
Реклама

Популарни