Ѓулер го вклучи црвениот аларм во „болницата“ на Реал

Арда Ѓулер стандардно добива најголема минутажа кога игра за својата репрезентација, па така беше и изминатава вечер кој за жал сепак заврши на лош начин за него, но и за сите навивачи на Реал Мадрид.

Мечот меѓу Велс и Турција не донесе голови, но затоа понуди жестока битка на секој метар од теренот, што направи да гледаме остри стартови и во самата завршница.

Ѓулер беше жртва на еден поостар прекршок во 88-та минута и доби крампони во пределот на костобранот, а болката до толку беше силна, што младата ѕвезда на Реал веднаш побара измена.

За да биде уште полошо, ногата на Арда беше целосно завиткана во мраз по последниот судиски свиреж и Ѓулер со поткривнување го напушти теренот, што дефинитивно не е добар сигнал за Карло Анчелоти и Реал Мадрид како клуб.

„ФИФА вирусот“ веќе опфати тројца првотимци на Реал Мадрид и повреди заработија Чуамени, Менди и Милитао, но многу веројатно е дека Анчелоти ќе остане и без Ѓулер на одреден период.

❗️Images: Arda Güler in pain during the game. pic.twitter.com/zM2LQI3jpi

— Madrid Universal (@MadridUniversal) September 6, 2024

Arda Güler con hielo en su gemelo.

Porfavor díganme que está bien… porfavor. 🙏🏻 pic.twitter.com/dJiQ9TAJ9n

— MT2 (@madrid_total2) September 6, 2024