Ѓорѓев повторно намести гол за Арау

Македонскиот интернационалец, Никола Ѓорѓев продолжува со своите одлични изданија во дресот на Арау во втората швајцарска лига.

Ѓорѓев дојде до шестата сезонска асистенција и тоа на пресметката против второпласираниот Вил која неговата екипа ја доби убедливо со 3-0. Никола го проигра Жакл во 56 минута за водство од 2-0, погодок по кој падна уште еден во преостанатиот дел за сигурно три бода на гостинскиот состав.

Инаку нашиот ас има и пет гола зад своето име, па навистина е чудно што веќе подолго време не добива повик за настап во нашата репрезентација иако постојано е активен и игра по 90 минути.

Арау со 36 бода е на 6 место на табелата.