Ѓоргиев промовиран во Инегол: Овде сме како семејство, верувам…

Нашиот најдобар одбојкар и капитен на националниот тим, Никола Ѓоргиев денеска беше промовиран во новата средина, во турскиот прволигаш Инегол Беледијеспор.

Ѓоргиев доаѓа во Турција од составот на Фридрихсхафен и се надева дека сите заедно како екипа ќе имаат добри резултати и ќе ги остварат зацртаните цели.

-Би сакал да им се заблагодарам на сите за овој пречек. Би сакал да му се заблагодарам на нашиот претседател за овие напори и топло добредојде. Среќен сум што ќе бидам дел од Инегол. Прифатен сум како дел од семејството и верувам дека заедно ќе постигнеме добри резултати во новата сезона и ќе ги направиме среќни навивачите. Се надевам оваа ситуација со коронавирусот брзо ќе помине и ќе се радуваме на победите со заеднички фотографиии, -истакна Ѓоргиев.