Ѓоргиев освои уште една титула со АЦХ Волеј Љубљана (ФОТО)

Најдобриот македонски одбојкар и неговиот тим АЦХ Волеј Љубљана се старо нови шампиони на Словенија и тоа откако во финалната серија го надиграа составот на Калчит Волеј со 3-0.

Во последниот меч фаворитит славеше со 3-1 во сетови и со тоа ја потврди доминацијата во првенството, поточно дојде до 19. лигашки трофеј. Домаќините го отворија првиот сет со 25-23, гостите возвратија во најинтересниот со 26-28 за да потоа Никола и другарите со 25-21 и 25-20 ги решат сите дилеми и дојдат до посакуваниот резултат.

АЦХ Волеј во актуелнава 2022/2023 претходно славеше и во Купот на Словенија, плус тримфираше и во МЕВЗА лигата што значи дека Ѓоргиев имаше супер успешна сезона од која корист дефинитивно ќе има и нашата селекција која годинава ќе биде  еден од домаќините на Европското првенство.