Ѓорческа запрена во осминафиналето во Тунис

Македонската тенисерка, Лина Ѓорческа не ја мина осминафиналната рунда на ИТФ фјучерсот во Ла Марса (Тунис) што се игра на тврда подлога за вредност од 40.000 долари.

Ѓорческа немаше одговор за Линда Климовицова, тенисерка која во претходната рунда ја елиминираше првата носителка Лукреција Стефанини. Линда која има 20 години беше подобра во првиот сет со 6-4, па водена од оваа енергија, самодоверба доминираше во вториот и со 6-1 обезбеди билет за четвртфиналето на турнирот.

Статистиката на крајот покажа дека Климовицова освоила вкупно 64 поени или 18 повеќе од Македонката.

Лина за следната недела е пријавена за настап на турнирот W75 во францускиот град Андрезио-Бутеон.