Ѓорческа забележа голем напредок на најновата ВТА листа

Македонската тенисерка, Лина Ѓорческа забележа голем напредок на најновата ранг листа која денеска ја објави Женската тениска асоцијација (ВТА).

Ѓорческа има одличен настап на силниот фјучерс во Олумуц (Чешка) каде стигна до финалето, а тие нејзини партии и овозможија да скокне дури 33 позиции и во моментов е 239 рекет на светот што се уште е далеку од нејзиниот најдобар резултат од 2017 година кога беше 170 тенисерка на планетава.

Тетовката пак се „лизна“ на ранг листата на двојки каде падна за 36 позиции и сега е на 254 во дубл конкуренцијата.

Од македонските тенисерки на ВТА листата запишана е уште само Магдалена Стоилковска која во сингл е 1374, додека во дубл го зазема 1613 место.

Кога е во прашање врвот нема промени, број еден е Ига Швјонтек од Полска.