Ѓорческа водеше со 5-1 во решавачкиот сет, но остана без пехарот во Ираклион

Македонската тенисерка, Лина Ѓорческа не успеа успешно да го заврши и вториот фјучерс во Ираклион (Грција).

Ѓорческа беше на еден чекор, еден гејм до пехарот (5-1), но потоа и се случи голем пад и дозволи Екатарина Макарова со шест гејмови во низа да дојде до 7-5 и конечен триумф на турнирот што се играше на земјена подлога за награден фонд од 25.000 американски долари.

Лина го загуби првиот сет со 6-4 за да вториот поведе со 4-2, предност која ја испушти, ама одново потоа одговори и со 7-5 го одведе мечот во трета решавачка битка. Тука се функционираше одлично по шест гејмови (5-1), меѓутоа потоа дојде до неверојатен пресврт и Макарова како петта носителка дојде до триумф на теренот „Сакари“.

Кога е во прашање севкупната статистика, Макарова беше подобра од Ѓорческа за три поени (107/104), а воедно имаше и подобра реализација на брејк топките (9/15 наспроти 8/15)