Ѓорческа со сигурна победа го отвори турнирот во Копер

Македонската тенисерка, Лина Ѓорческа имаше позитивен старт на ИТФ фјучерсот во Копер (Словенија) што се игра на земјени терени за вредност од 60.000 долари.

Ѓорческа за противник во првата рунда ја имаше Тимеа Јарускова од Словачка која лесно ја реши во два сета со 6-2 и 6-2. Средбата траеше еден час и во истата Лина искористи шест од осумте брејк топки, а воедно освои многу повеќе поени од Словенката (62/39).

Во наредната рунда Лина може да се соочи со првата носителка Клое Паке, но за да се случи тоа Французинката ќе мора прво да ја оправда фаворитската улога во дуелот со Ирене Бурилјо Ескорихуела (Шпанија)