Ѓорческа со голем пад во играта остана без четвртфинале во сингл во Рим

Лина Ѓорческа тргна одлично на сингл дуелот против Дебора Киеза во Рим, но на крајот дозволи целосен пресврт на противничката.

Киеза која влезе на турнирот како квалификантка го загуби првиот сет со 6:4, но Ѓорческа со падот во играта дозволи Италијанката да се врати во мечот.

Најдобрата македонска тенисерка направи седум двојни сервис грешки во вториот и уште пет во третиот сет, а противничката ги доби тие делници со 6:4 и 6:2 за конечни 2:1 и пласман во четврфиналето.

Ѓорческа има втора шанса и тоа во дубл, каде денеска се бори за полуфинале.

Лина заедно со Ана Шишкова од Чешка во четвртфиналето во двојки ќе игра против Астакова и Висман од Летонија.