Ѓорческа отвори триумфално во Куршумлијска Бања, следи голем предизвик во второто коло

Лина Ѓорческа отвори со победа на турнирот од В75 серијата кој оваа недела се одржува во Куршумлијска Бања, а што е уште поважно, најдобрата македонска тенисерка покажа завидно ниво како што одминуваше мечот од првото коло.

Германката Луиза Мејер се покажа како незгодна ривалка и покрај слабиот ранкинг во првиот сет, но откако Лина успеа да го добие првиот сет во тајбрејкот со 7:5, во продолжение имаше вистинска рутина.

Најдобрата македонска тенисерка не загуби ниту еден гејм во вториот сет, па со преубедливи 6:0 го завери пласманот во втората рунда на турнирот во Србија.

По оваа победа, Лина сега мора да се подготвува за многу посериозен предизвика, бидејќи ждрепката не и донесе многу среќа и веќе во второто коло ќе игра против првата фаворитка.

Унгарката Пана Удварди е поставена како главен носител на овој турнир, па 135-та тенисерка во светот сигурно ќе биде голем тест за нашата претставничка.