Ѓорческа направи скок од шест места на најновата ВТА листа

Првиот македонски рекет, Лина Ѓорческа забележа напредок во поединечна конкуренција на најновата ВТА листа.

Тетовката на денешното рангирање е 336 тенисерка на светот со вкупно 164 поени или поточно има скок од вкупно шест позиции. Во двојки пак Лина има мал пад, лизгање за три места и сега е 208 на планетава. На листата на дубл има место за уште една Македонка, 25-годишната Магдалена Стоилковска која ја зазема 1387 позиција.

Кога се работи за најдобрите за врвот во тенисот водечка и понатаму е Барти пред Осака, Халеп и Сабаленка која скокна три места. Во првата десетка има уште место за Кенин, Свитолина, Андреску, Вилијамс, Клишкова и Квитова.