Ѓорческа ќе игра во финалето во Љубљана

Лина Ѓорческа обезбеди финале на Челинџер турнирот во Љубљана и утре ќе се бори за нов трофеј во игра на двојки.

Македонската тенисерка на овој турнир настапува заедно со Швајцарката Џил Тајхман, а денеска овој тандем лесно славеше во дуелот со Касино од Франција и Детиук од Чешка, кои беа први носителки на турнирот во игра на двојки.

Мечот беше решен за само 58 минути, а македонско-швајцарскиот дубл го доби со убедливи 6:1/6:2, со што заслужено се избори за финале, односно меч за посакуваниот трофеј.

Победата има уште поголемо значење ако се знае дека Тајхман денеска играш и сингл и пред овој меч успеа да си обезбеди место во сингл финалето во дуел во три сета.

Противнички на Ѓорческа и Тајхман во утрешното финале ќе бидат Бранкачо од Италија и Ромеро Гормаз од Шпанија.