Ѓорческа и Тајхман не ја совладаа последната пречка во Љубљана

Лина Ѓорческа не успеа да победи на турнирот во игра на двојки во Љубљана, ВТА 125 Челинџер на кој Македонката и Швајцарката Џил Тајхман не ја минаа последната пречка.

Нашата најдобра тенисерка во комбинација со Тајхман играа сигурно до финалето, на патот до него ги совладаа и првите носителки во Словенија, но денеска загубија во драматичен меч.

Ѓорческа и Тајхман го добија првиот сет со 7:5 против Бранкачо од Италија и Ромеро Гормаз од Шпанија, но ривалките одговорија на ист начин во вториот сет, додека во решавачката етапа, италијанско-шпанскиот тандем беше подобар со 10:7.

Финалето траело помалку од два часа и за жал не заврши со нов трофеј во кариерата за Ѓорческа, но сигурно ќе донесе поени на дубл ранкингот.

Претходно, Тајхман играше и сингл финале кое го доби во два сета и кое траело повеќе од два часа.