Ѓорческа го заврши својот настап во четвртфиналето во Загреб, Ивановски ќе се бори за титула во игра на двојки

Калин Ивановски порано денеска се пласираше во полуфиналето во Куршумлиска Бања, но вечерва стана познато дека најдобриот македонски тенисер на истиот турнир ќе игра во финалето во двојки.

Ивановски и неговиот колега Олександр Овчаренко одиграа навистина возбудлив меч во полуфиналето, но на крајот успеаја да слават со 6:4, 2:6 и 10:6 против Лајал од Естонија и Лок од Зимбабве.

Македонско-украинската двојка на завршниот меч ќе има за противници тенисери од Русија, односно за титулата ќе се борат за Андреј Чепелев и Микалај Халак.

Денеска, свој настап имаше и најдобрата македонска тенисерка, но Лина Ѓорческа го заврши настапот во Загреб откако загуби на ИТФ фјучерсот во Загреб во четвртфиналето.

Тенисерката од Тетово имаше навистина тежок испит против Ела Зејдел, па Германката го доби дуелот во два сета со 6:3 и 6:4.