Ѓорчепетровки броеја до 48 и обезбедија пласман во осминафиналето на Европскиот Куп

Екипата на Ѓорче Петров успеа да обезбеди пласман во осминафиналето на Европскиот Куп и тоа откако по вторпат славеше над белгиски Еупен.

Минатата седмица македонскиот првак обезбеди триумф од 46:39, додека вечерва беше остварена уште поубедлива победа од 48:36. Избраничките на Симе Симовски имаа проблеми во првиот дел, не успеваа да направат позначајна предност и на пауза се замина со плус два за нашиот претставник.

Во вториот дел приказната беше поинаква, ѓорчепетровки играа на повисоко ниво како во нападот така и во одбраната и изборија трумф од 12 разлика.

Ана Марија Коларовска и Емилијана Ризоска „летаа“ на теренот и постигнаа по 11 голови.