Поврзете се со нас

АТП

Ѓоковиќ за своите испади на теренот: Свесен сум дека не се претставувам себе на најдобар начин

Објавено

на

Foto:x.com/AustralianOpen

Новак Ѓоковиќ загуби по еден сет во првите две рунди на Аустралијан Опен, а за време на мечевите Србинот во неколку наврати не ја криеше фрустрацијата и традиционално имаше расправии со одредени фанови во Мелбурн.

Тоа посебно дојде до израз на вториот меч против Хаиме Фарија, но бидејќи станува збор за сцена на која веќе навикнаа тениските фанови, Ѓоковиќ се обидел да ја објасни својата мрачна страна во целата оваа приказна во соочувањето со австралиските новинари.

Србинот е свесен дека не секогаш е добар пример за тоа како треба да се однесува еден спортист на теренот, но додава дека тоа е една внатрешна битка која ја води од самиот старт на својата кариера.

– Постои универзален кодекс за однесување во тенисот, тоа се правила и вредности со кои се согласуваме сите кои сме дел од нашиот спорт. Пораките кои ги испраќаме се многу важни, но исто така е важен нашиот однос со публиката, а посебно со младите деца за кои јас најмногу се грижам.

– Во нашиот спорт, тешко е секогаш да бидете во идеална и оптимална состојба, како на психолошко, така и на емотивно ниво. Јас сум свесен дека често не се претставувам себе на најдобар можен начин. Често имам изливи на бес и нервоза на теренот, станува збор за работи кои не ги сакам, но тоа едноставно сум јас.

– Јас сум таков на теренот, тоа се работи со кои се борам личн оцела кариера. Без разлика на тоа што имам одиграно повеќе од 1000 мечеви во кариерата, без разлика на цело искуство, јас на крајот сум човек од крв и месо. Кога некои работи се повторуваат на теренот, а кога на сето тоа ќе се насобере притисокот, од вас излегува нешто што не сакате да излезе. Тоа е мојата лекција која ја учам цела кариера. Се обидувам да бидам подобра верзија од себе, но не оди така лесно како што изгледа, – вели Ѓоковиќ.

Новак својот меч од третото коло на Аустралијан Опен го игра утре наутро, а негов ривал ќе биде Чехот, Томас Махач.

Advertisement
Advertisement

Италија

Advertisement

Популарни