Ѓоковиќ: Тоа ќе го одреди мојот пат

Најквалитениот српски тениски ас, Новак Ѓоковиќ дојде до првата титула во 2022 година и тоа на Мастерсот во Рим каде го победи Стефанос Циципас со 2-0 во сетови.

Ова за Ноле беше 38. славје на турнирите од серија 1000 што дефинитивно ќе му ја крене самодовербата пред вториот грен слен Ролан Гарос. Ѓоковиќ напредува, формата му оди во нагорна линија и е оптимист дека може да направи голем резултат на престојниот турнир во Париз.

-Со оглед на тоа како играм во последните неколку недели, мислам дека сум еден од фаворитите. Не размислувам премногу за тоа кој има најголеми шанси, секогаш мислам на себе. Во Париз одам со највисоки амбиции, особено по овој турнир. Мислам дека имам шанса. Секако, мора да ја видиме ждрепката, не можеме да влијаеме на тоа, но тоа ќе го одреди и мојот пат. Различно е – на три освоени сета, мечеви секој втор ден, пристапот е различен. Мислам дека можам да стигна далеку, -порача првиот светски рекет.

Френч Опен почнува на 22 мај, а завршува на 5 јуни.