Ѓоковиќ со џентлменски одговор на прашањето дали Федерер е најдобар тенисер на сите времиња

Новак Ѓоковиќ ќе биде дел од годинешното издание на Лејвер купот, кој ќе биде запаметен поради последниот настап на неговиот голем ривал, Рожер Федерер.

Швајцарецот најави дека ќе ја заврши кариерата токму со овој езгибициски турнир, а Новак Ѓоковиќ од новинарите бил прашан како го коментира тврдењето на дел од фановите дека Федерер е најдобар тенисер на сите времиња.

– Секогаш ќе се дебатира за тоа кој е најдобар, но тоа им го оставам на другите како тема.

– Но, јасно е дека Федерер имаше големо влијание на тенисот.

– Тој не е само еден од најдобрите тенисери, туку и најдобрите спортисти на сите времиња. Неговата популарност надвор е терените е голема и тоа говори само за себе, неговиот тениски стил беше совршен, – изјавил Ѓоковиќ.