Поврзете се со нас

АТП

Ѓоковиќ си заминува од Мелбурн со едно неодговорено прашање: Жешка ми е главата, не знам што ќе следи

Објавено

на

Foto:x.com/AustralianOpen

Новак Ѓоковиќ не успеа да ја надмине повредата на мускулот и мораше да го предаде полуфиналето со Александер Зверев откако го загуби првиот сет, а со тоа згасна и неговата желба да стигне до 11-та титула на Аустралијан Опен.

Големиот тениски рекордер влезе во завршницата од турнирот со големи амбиции да го подигне трофејот во Мелбурн, но повредата која ја заработи на мечот со Алкарас се испречи на неговиот пат, па сега прашање е дали воопшто ќе дочека нова шанса за слично искуство.

По разочарувачкото сценарио, Ѓоковиќ на новинарите не им потврди дека ќе игра на Аустралијан Опен наредната година, но не даде точен одговори на уште едно поважно прашање.

Ноле го ангажираше Енди Мари со цел да му помогне во подготовката за првиот грен слем турнир, па иако се веруваше дека соработката ќе биде долгорочна, сега самиот Ѓоковиќ не потврди дека Шкотланѓанецот ќе остане дел од неговиот стручен штаб.

– Двајцата сме разочарани од тоа што се случи и морам да ви признаам дека уште немаме зборувано за иднината. Се уште е многу свежо, жешка ми е главата и благодарен сум што дојде тука и што беше со мене. Ќе му дадам моја возвратна реакција за соработката и истата е позитивна. Ќе видиме како тој размислува…. Жешки се главите и тешко е да свртите нов лист веднаш, ќе мора да зборуваме за следните чекори. Ќе мора да се оладиме, па после да зборуваме за иднината, затоа не знам што ќе следи, – изјавил Ѓоковиќ.

– Дали ова ми беше последен Аустралијан Опен? Постои шанса и за такво нешто, ќе видиме како ќе тече сезоната за мене. Сакам да продолжам да играм, но ќе видам каков ќе биде распоредот за следната сезона. Ако бидам фит и мотивиран, не гледам зошто не би дошол повторно да играм тенис во Австралија, – порачал Србинот.

Advertisement
Advertisement

Италија

Advertisement

Популарни