Ѓоковиќ си постави една главна цел за 2025. година по неочекуваниот пораз во Доха

Новак Ѓоковиќ брзо ја санираше мускулната повреда од Австралија и настапи веќе во февруари во Доха, но неговиот пат во Катар траеше навистина кратко.

Српскиот тенисер вчера беше надигран од Матео Беретини и загуби во два сета со резултат 7:6 и 6:2, пораз кој сигурно ќе го натера Новак уште понапорно да работи пред американската турнеја која следи.

Ѓоковиќ ја брка својата јубилејна 100-та АТП титула и ќе видиме дали ќе успее да стигне до неа на Индијан Велс и Мајами, но самиот вели дека главна цел оваа сезона му е да освои барем еден грен слем турнир.

Ноле последната грен слем титула ја освои на Ју-Ес Опен во 2025-та година, а оттогаш сите пет грен слеми ги освоија Карлос Алкарас и Јаник Синер.

– Не знам на кој грен слем имам најмногу шанси, но целта е да освојам барем еден оваа година. Важно е да бидам здрав и добро да се подготвувам за големите турнир. Недостатокот на тренинзи во контиунитет се одрази врз мојата игра во Доха, но долга е сезоната, ќе видиме како ќе се развива ситуацијата.

– Во овој момент, Алкарас и Синер се убедливо главни фаворити за титулата на секој грен слем турнир, сите останати ќе се обидеме да се прикрадеме и да ги изненадиме. Грен слемите најмногу ме мотивираат и ќе направам се за да освојам барем еден оваа сезона, тоа е мојата цел. Ќе видиме дали ќе успеам во тоа, – изјави Ѓоковиќ за „Спорт Клуб“.