Ѓоковиќ се растрча како да има десет години помалку, па закажа осминафинале со својот „редовен пациент“ (Видео)

Новак Ѓоковиќ ја преброди кризата која ја имаше во својата игра во изминатите два месеци, па така трите порази во низа полека ги остава зад себе со втор триумф во серија.

По победата над Хиџиката во втората рунда во Мајами, српскиот тенисер продолжи во осминафиналето без загубен гејм, овојпат во пресметката со Уго Карабелји.

Новак беше посебно фуриозен во првиот сет во кој му препушти само еден гејм на Аргентинецот (6:1), додека во вториот имаше мал пад во концентрацијата и тоа успеа да го искористи Карабелји за поголема неизвесност.

Иако Ноле прв направи брејк, Карабелји успеа да возврати и да го диктира темпото со својот сервис, па така вториот сет беше решен во тајбрејкот.

Во одлувачките моменти, Ѓоковиќ сепак сериозно си ја сфати работата и славеше со 7:1, па така закажа осминафинале со Лоренцо Музети, тенисерот над кој оствари четири победи на четири пресметки во 2024-та година.

🤹 ONLY NOVAK DJOKOVIC!!! 🤹@MiamiOpen | #MiamiOpen | @DjokerNole pic.twitter.com/gPA00XJg6C

— ATP Tour (@atptour) March 23, 2025