Ѓоковиќ се најде во „зелената група“ на завршниот турнир во Торино

Првиот светски рекет, Новак Ѓоковиќ ќе се обиде да дојде до уште еден голем трофеј во кариерата, а тоа е оној од Завршниот Мастерс што ќе се одржи во Торино.

Ѓоковиќ е главен фаворит за пехарот, а останува да се види дали тој статус ќе го оправда со тоа што веќе знае кого се треба да помине во првата фаза за да дојде до елиминациските борби. Србинот се најде во зелената група и тоа со домашниот миленик Јаник Синер, Холгер Руне кој ја крева формата откако почна да соработува со Борис Бекер и секогаш незгодниот и опасен Стефанос Циципас.

На другата страна, „црвената група“ ги имаме Карлос Алкарас, потоа Русите Данил Медведев и Андреј Рубљов и Саша Зверев.

Овој настан се игра од 12 до 19 ноември, а од овие учесници четвроца знаат како е да се слави на завршниот турнир и тоа Ѓоковиќ (6), Зверев (2), Циципас и Медведев.