Ѓоковиќ преку нова драма до рекорд и место во четврфиналето во Париз (ВИДЕО)

Српскиот тениски рекет, Новак Ѓоковиќ успеа да избори пласман во четвртфиналето во Париз и тоа откако доби уште една драма, маратонски меч во пет сета.

Во претходната рунда Ноле се препоти против Лоренцо Музети, додека пак денеска по скоро пет часа игра славеше над Франциско Серундоло со 3-2 во сетови.

Фаворитот имаше пеколен почеток и славеше со 6-1 во втората рунда, ама потоа започнаа проблемите за него, проблеми и со коленото, па Аргентинецот со 7-5 и 6-3 дојде до пресврт и 2-1 во сетови. Меѓутоа Ѓоковиќ пронајде сили, се врати во игра и со 7-5 и 6-3 издвојува триумф со кој е меѓу осумте најдобри на Ролан Гарос.

Воедно ова беше историска победа за Новак затоа што стана играч со најмногу триумфи на грен слем турнирите, сега има 370 или една повеќе од Рожер Федерер.

The marathon man does it again 🙌#RolandGarros pic.twitter.com/XPrtehuI3C

— Roland-Garros (@rolandgarros) June 3, 2024