Поврзете се со нас

АТП

Ѓоковиќ пред новинарите: Мислев дека два дена одмор ќе бидат доволни

Објавено

на

foto: x.com/DjokerNole

Новак Ѓоковиќ не можел да се носи со болката поради мускулната повреда на ногата и реши да му го предаде мечот на Александер Зверев по само еден сет во полуфиналето на Аустралијан Опен.

Српскиот тенисер му парираше на Германецот до крајот на тај-брејкот, кој заврши во полза на противникот, по што му го честиташе пласманот во финалето на Зверев.

Ѓоковиќ беше исвиркан од домашната публика, а на прес-конференцијата по мечот открил со каков проблем се соочувал за време на полуфиналето.

– Не тренирав со топче од мечот со Алкарас, па до еден час пред почетокот на мечот со Зверев. Направив се што е можно за да го санирам скинатиот мускул, малку ми помогнаа лековите и напорите на физиотерапевтот, но на крајот на првиот сет почнав да чувствувам се поголема болка.

– Одеше на полошо и за мене тоа беше несреќен крај, но барем се обидов.

– Дури и да го освоев првиот сет, знаев дека ќе биде исцрпувачка борба во најмалку три сета, тешко ќе можев да разменувам толку удари неколку часа. Мислев дека двата дена одмор ќе бидат доволни за да бидам добро подготвен денес, но за жал не излезе така, – рекол Ѓоковиќ.

Advertisement
Advertisement

Италија

Advertisement

Популарни