Ѓоковиќ му се отвори на Мекинро: Откри што „украл“ од Федерер и која особина ја научил од Надал

По низата интервјуа кои ги направи Рафаел Надал во родната Шпанија, Новак Ѓоковиќ одработи едно специјално за „ЕСПН“, во кое интересно негов соговорник беше Џон Мекинро.

Легендарниот американски тенисер се почесто е на страната на Новак и во повеќе наврати нагласи дека никогаш не видел тенисер како Србинот, па според резултатите го стави и над Рожер Федерер кој му е омилен тенисер.

Во разговорот со Мекинро, Ѓоковиќ открива што „украл“ од Рожер Федерер, а која особина почнал ра ја практикува од Рафаел Надал.

– Најважната работа која ја научив од Рожер Федерер е организацијата на својот распоред, тоа да бидам најдобар на грен слем турнирите. Федерер беше првиот тенисер кој ја подигра организацијата и подготовката на едно повисоко ниво. Тоа ме инспирираше и водев белешки со мојот тим. Го следев неговиот тим и начинот на кој беа организирани. Затоа ќе кажам – ти благодарам Рожер.

– Од Рафаел Надал учев на спортски план. Од него го научив правилото: Нема умирање и никогаш не се откажувај! Рафа најверојатно е најхрабриот играч во тенисот, покажува неверојатна упорност и борба во секој меч. Токму упорноста ја чувствувате кога играте против него, како да влегувате во борба на бикови, – порачува Ноле.